Aragón sin sobiranía ni I+D: perdendo tot o control d’o suyo destino (GM, Guissona,.. China)

27/02/2017

Etiquetas: Aragon, I+D, Puyalon

Compartir

O periodo de crisi economica, social y cultural, que encara atravesamos, ha incidiu de tot en as inversions publicas en materia d’Innovación. En Aragón, dimpués d’o nulo esfuerzo de l’Estau espanyol por deixar en mans autonomicas o suyo control, más que necesario pa vertebrar o territorio y estar a o mesmo nibel que a resta d’Europa, nunca no s’ha conseguiu superar ixa media europea de 1,9% en I+D. Media sinyalera d’os países más avanzaus. Pero que choca con o vergüenyoso 0.91% d’Aragón en 2014 (COTEC Informe 2016).

Gasto I+d Aragon
Gasto I+D países y comunidades del estado español
i+d mundial
Gasto I+D por estados

Ista mena d’inversions en tiempos de crisi son embolicadas, pero si atros países d’o nuestro arredol lo han puesto fer (Francia a bells poquetz kilometros con 2,3%, Navarra 1,75%). ¿Por qué Aragón ha de resignar-se a no tener o suyo control y decisión pa poder fer-lo?

O futuro d’un Aragón arredol d’un desembolique humano sostenible se ha de basar en istos alazetz, y no pas en un modelo espanyol basau en un turismo especulador, de ladrillo y treballo precario.

Porcentaches en I+D como lo de Suecia de 3,75%, Alemania 2,9%, EEUU 2,7%, Francia 2,3%, u Comunidat autonoma Vasca 2,03% nos pueden sonar a extratosferico. Siempre contimparau con as preturas d’Espanya con 1,23%, encara millor que Aragón. Que pa forro bota ya sabemos invierte parti d’o suyo I+D tamién en Investigación melitar. Con lo que podemos saber que en bellas redoladas d’Aragón a inversión será mesmo negativa.

En mercaus como l’Asiatico se puede sacar buen treslau d’o suyos datos. A imachen negativa d’una CHINA exportadera de productos de baixa calidat ye cambiando a tot trance. Ya se sabe que alcanzó a l’UE en 2012 en inversión publica de I+D, en 2014 marcó un 2,05% y ya teneba la meta d’un 2,2% pa bien luego.

Muitas estadisticas cuentan con a intervención d’a inversión en I+D privada. Modelo que se quiere empentar dende a UE y que ye referent en Chapón, Corea d’o Sur u China, con un 75% d’inversión provenient d’as interpresas. Interpresas en iste caso orichinarias d’o país, que veyen en ista inversión una apuesta d’o futuro en o suyo territorio. Siempre bien endrezadas por a estratechia que marca lo suyo Gubierno sobirano.

No imos a destapar agora uno d’os mayors problemas d’Aragón, como ye a manca d’arraigo d’as suyas interpresas. A gran mayoría venidas de difuera y pendients d’os concieters movimientos d’un mercau que nunca no tendrá como obchectivo guaranciar os puestos de treballo En Aragón.

Opel

Un d’os zaguers movimientos empresarials, vendius a “bombo y platillo” como exito dende o Gubierno de Lambán, ha estau l’anuncio d’o grupo Guissona d’a inversión de 400 millons pa levantar-ie un macro prochecto industrial y lochistico relacionau con l’agroalimentación. O grupo catalán ya cuenta con 433 botigas BonÀrea y gasolineras, y ha visto en Epila un buen punto estratechico pa enamplar o suyo rete comercial. Brenca se sabe por agora d’a contribución economica d’o Gubierno d’Aragón en ixa inversión. Una inversión inicial que aduyará a l’instalación d’o grupo catalán, que continará contando con a suya siede principal en Lleida y que como cientos d’interpresas foranas podrán hopar d’Aragón en veyer malas perspectivas de mercado. Aragón ye visto dende o mundo empresarial como un puesto de paso y no pas como un puesto de desembolique. Intrepesas como Delphi, Gamesa u HP en son un firme eixemplo. A baixa inversión publica en I+D va a arrocegar a creyación de puestos de treballo en Aragón.
Todas as miradas son fixadas agora en o chigant americano GM.

Podríanos prencipiar con as conseqüencias de l’anuncio de Trump de cargar con aranceles aduaners os autos vendius en USA, pero fabricaus en Mexico. Ista amenaza iba destinada a GM, pero estió unatra gran interpresa amerciana, FORD, a que suspendió un nuevo prochecto de montache d’auto en Mexico. Manimenos FORD anunció que invertiría con 700 nuevos puestos de treballo en o Centro d’Investigación d’a suya planta en Michigan (USA).

En realidat Ford u GM no cancelan un prochecto d’un diya t’atro. Pero si que son marcando un camín, lo de l’auto electrico, que va a conlevar traspaso de inversions y mano de obra enta os países orichen d’as grans marcas, y en cheneral os países an que s’invierte en I+D. Tendrá isto consqüencias a la larga pa la nuestra quiesta GM Figueruelas? Vista l’inversión en I+D en Aragón, lo más seguro que Sí.

O 13 de febrero saltó atra noticia de gran sorpresa en o mundo de l’automoción y a industria europea.  O Grupo francés PSA (Peugeot y Citroën) yera negociando con GM a compra d’a suya filial europea Opel/Vauxhall. A intención de PSA sería tener acceso a l’incheniería y tecnolochía d’autos eléctricos de Opel, que a suya gran parti ye en Alemania. Pero tamién amilloraría cuota de mercau y retallaría costes. GM saldría d’Europa deixando una marca Opel, en numeros rollos dende fa más de 15 anyos.
As negociacions han estau confirmadas por bellas dos partis (GM y PSA), y pareix estar que Angela Merkel ya habría dau o OK de l’operación. Una operación que supondría a salida de l’incheniería de GM d’Alemania.

Alemania ha invertiu muito % I+D en istos 90 anyos de GM en Europa, pero se veye duenya d’o suyo destino, y daría l’OK como una posición estratechica pa centrar-se en as propias marcas d’automoción alemanas, tan danyadas en zagueras dende l’escandalo d’os filtros Diesel. Agora as necesidatz d’inversión en Investigación d’as marcas alemanas son prioritarias, y en a corrida de l’auto electrico cal posicionar-se en os primers puestos. Manimenos sabemos que Aragón no será decisivo en ista corrida.

búscanos y mantente informado

Participa con nosotras

    Ayúdanos a construir un mejor futuro para nuestro país.
    INFORMACIÓN BÁSICA SOBRE PROTECCIÓN DE DATOS
    Responsable: Puyalón de Cuchas
    Contacto DPO: Puedes contactar con la persona Delegada de Protección de Datos en o correo-e: nacional@puyalon.org
    Finalidad: Envío de información relacionada con la actividad de la entidad
    Cesión a terceros: No se cederán dados a terceros, excepto por obligación legal
    Derechos: Acceder, rectificar y suprimir los datos, así como, otros derechos que se expliquen en la información adicional