Warning: Creating default object from empty value in /homepages/5/d420049815/htdocs/wp-content/plugins/zdmultilang/zd_multilang.php on line 1450
Continamos esboldergando os Pilars d’a Ispanidat
Home / Arias / Continamos esboldergando os Pilars d’a Ispanidat

Continamos esboldergando os Pilars d’a Ispanidat

Una añada dimpués d´a presentazión d´o Bloque Independentista de Cuchas en a soziedat Aragonesa, continamos beyendo como los problemas d´a colonizazion forana continan fendo de nuestro País un territorio ocupau, umillau y sozmeso.

A imposizión atroz que se fa d´o castellano, debán d´as luengas propias como lo Catalán u l´Aragonés ; a especulazion que á ormino beyemos en toz os lugars y cantonadas d´o nuestro Aragón; a esplotazión d´os nuestros recursos naturals per parti de intreses capitalistas españoles; o patriarcau más biolento, u o faxismo más reazionario, no son que bels problemas con os que nos trobamos diya par d´atro en o nuestro País.

Per ixo, güe como fa un año, ye menister que a cucha independentista contine con o treballo que prinzipió fa un año. Emos de continar luitando; en as carreras y en os lugars; en Aragonés y en Catalán, en a escuela u en o treballo. Luitar ta conseguir una soziedat más chusta y igualitaria, ta rematar con o patriarcau y ta estricallar o faxismo. En definitiba, luitar ta que o nuestro Pueblo consiga a suya libertat, y asinas sacar-nos o yugo español.

Per tot isto, tos combidamos a partizipar en ista segunda añada de bida, en os actos que o Bloque Independentista de Cuchas gosa de fer, luitando per a independenzia y o sozialismo d´iste País. Tos combidamos a formar parti d´iste gran mobimiento d´emanzipazion nazional y sozial que preba de fer d´Aragón un puesto digno an bibir en libertat.

Entalto a luita reboluzionaria!

Bloque Independentista de Cuchas