Warning: Creating default object from empty value in /homepages/5/d420049815/htdocs/wp-content/plugins/zdmultilang/zd_multilang.php on line 1450
Tot lo nuestro refirme a os estudians catalans
Home / Arias / Tot lo nuestro refirme a os estudians catalans

Tot lo nuestro refirme a os estudians catalans

Debán d’os graus suzesos amaneixius ista semana en a Ziudat de Barzelona (PP.CC.), dende o Bloque Independentista de Cuchas femos as siguiens considerazions:

Donamos tot lo nuestro refirme a os estudians catalans y as causas d’a suya mobilizazión, más que más a toz aquels que han rematau ferius y/u detenius por a Polizía autonomica (Mossos d’Escuadra) que con delera esfienden os intreses d’o capital y d’o Reino d’España y que son enfilaus por o “ecopazifista” Joan Saura (IC-V).

Os feitos y responsabilidaz se son abrutius en que as brutals y firmes cargas d’os Mossos se han repetiu en bellas ocasionas a lo largo d’o diya en diferens puestos de Barzelona, sin que os responsables d’iste cuerpo represibo aigan actuau ta meter freno u buega a la suya biolenzia.

O silenzio almenistratibo (Interior d’a Generalitat), que no ha balorau as consecuenzias d’a suya actuazión, deixa esclatero que ista ha estau menada por o responsable d’Interior, Joan Saura.

Asinas pues, nos adibimos a las demandas exichindo a dimisión decamín d’iste siñór, asinas como as de Didac Ramirez (Rector d’a UB) y Josep Huget (Conseller d’Innovació, Universitat i Empresa del Govern de la Generalitat, miembro d’ERC), como prenzipals responsables d’o desaloix d’os estudians d’a UB, permitindo a entrada d’a polizía autonomica a cletaus unibersitarios, asinas como a suya trapazera chustificazión de dimpués.

D’a mesma traza denunziamos o silenzio u complizidat d’os suyos sozios de IC-V (IU y EUiA, , más que más, pero tamién ERC y PSC) con os que comparten, en o caso de IU y EUiA, Candidaturas y Grupos Parlamentarios tanto en o Principat (Catalunya autonomica) como en o Parlamento español (siñando a mesma tardi d’os feitos un alcuerdo por o que concurriban chuntos IU-ICV enta o Parlamento europeyo, con o mesmo Joan Saura en as listas); u o Gubierno tripartiro en o Principat.

Femos tamién un clamamiento a partizipar en cuantas aczions de refuse, refirme y solidaridat se produzcan en Aragón, empuxando a os estudians a continar enta debán con ista luita chusta, en esfensa d’una educazión unibersitaria publica, de calidat, y de baldes, y en iste sentiu, refirmamos a combocatoria de Baga cheneral estudiantil d’o SEPC (Sindicat d’Esudiants dels Països Catalans) d’o diya chuebes 26 de marzo, y empentamos ta que @s nuestr@s compañers/as aragoneses d’a ACPU, secunden ixa chornada de Baga, comobocando-la tamién en a Unibersidat de Zaragoza.

Con @s oprimius/das, contra @s opresors/as

No al Plan Bolonia!

Bloque Independentista de Cuchas