Warning: Creating default object from empty value in /homepages/5/d420049815/htdocs/wp-content/plugins/zdmultilang/zd_multilang.php on line 1450
Defensa de las lenguas y cultura propia - Puyalón de Cuchas
aragonés | catalán | castellano
Breaking News
Inicio / Territorio / Aragón / Esfensa d’as luengas y cultura propia

Esfensa d’as luengas y cultura propia

Aragón ye un país an que conviven en l’actualidat tres luengas: l’aragonés, o catalán y o castellano. O catalán y l’aragonés continan estando discriminadas y viedades en a vida publica d’o país. A luenga aragonesa ye en as tres pedretas y encara que s’ha aprebau una lei de luengas de minimos no s’han feito os trangos que s’amenistan ta consolidar-la, como a creyación de l’Academia de l’Aragonés.

O cambeo de gubierno en Aragón fa amás, que se retalle encara más u que mesmo se retire a lei, arrocegando con ello a negación d’o dreito a la suya normalización y normativización. O catalán tien una vitalidat que no ye de raso cierta por os problemas con a educación, a retallada en programas culturals y que fan que a suya vitalidat pueda estar revertida ascape con cualsiquier alteración d’as peculiars circunstancias de l’idioma, a tamás d’a importancia d’as rilacions y entrecambeos con chents de fabla catalana no aragonesas.

Un puyal d’organismos, institucions y decumentos oficials demandan a proteccion d’as luengas mas minorizadas d’Aragón, que son, amás, as dos luengas propias d’o país: a Carta Europeya d’as Luengas minoritarias, o Comité de menistros d’o Consello d’Europa, a Declaración mundial d’os dreitos lingüisticos u la UNESCO, que cuenta con l’aragonés como una d’as luengas con más periglo de dispareixer d’Europa.

Mesmo institucions y decumentos que fan parti d’o tarabidau constitucionalista espanyol plegan a demandar a suya protección, dende a Constitución espanyola, l’Estatuto d’Autonomía d’Aragón, a lei de Patrimonio cultural y l’aprebada lei de luengas d’Aragón. Una reyalidat legal surtida d’una Constitución que por lo que se i veye no cal cumplir ta ser legal en l’Imperio de “lo español”.

En o contexto legal vichent, encara, dica que o gubierno actual decida de retallar a lei de luengas, garra institución veila por guaranciar os dreitos d’os parlants d’as luengas propias d’Aragón, ni a ran oficial, ni en organismos publicos, ni en os meyos de comunicación publicos ni privaus. As horas extraescolars, encara que ya amaneixen en o curriculo, no son prou ta fer frent y concarar a presencia masiva d’o castellano en as zonas an que se fabla aragonés u catalán, asinas como a normalización d’a toponimia autoctona y propia d’ixas zonas.

As propuestas de Puyalón parten d’ista reyalidat, una reyalidat que amuestra os febles dreitos de os fablants d’o catalán y sobre tot, de l’aragonés. O independentismo de cuchas, que Puyalón de Cuchas ripresenta, tien como obchetivo politico afavorir o desarrollo de l’aragonés y a suya promoción en tot lo pais, con alufras de que, en bell futuro que encara hue podemos trobar muit luen, fuese a unica luenga de l’Aragón que no charra catalán.

Ta ixo, Puyalón de Cuchas proposa que  o sector publico guarencie os dreitos d’os fablants. A legalidat ha de cambear ta oficializar l’emplego d’as luengas d’Aragón, espardir o suyo uso y fer efectivo o dreito a la escolarización en y de aragonés y catalán.

Pero ixe ye un trango ta prencipiar a triballar. O trango siguient o triballo enta un Aragón bilingüe aragonés / catalán aon que denguno/a pueda estar discriminau per qüestions lingüisticas. Un camín difícil y aspro, pero que ye l’unico que puede aduyar tamién a que Aragón sía cada día bell poco más sobirano y libre.

Normalizar l’emplego d’a luenga, guaranciar os dreitos d’os fablants, espardir o suyo emplego por tot o país son os tres grans eixes que definen a politica de Puyalón de Cuchas en a qüestion lingüistica.

Antiparti d’a luenga, a espanyolización de facto d’a historia y cultura aragonesa, l’aculturación d’as tradicions asimilando tot nomás que a una clase de folklore s’ha de revertir o más luego posible ta que s’ature o proceso prencipiau ya fa tantos sieglos.

Puyalón de Cuchas dexise que os poders publicos aragoneses veilen por a cultura y historia aragonesas amostrando o sentiu de l’aragonesidat y d’a identidat aragonesas como un cenyo propio y singular naixiu fa mas de mil anyos y que a tamás d’ as intincions de l’espanyolismo ripresentau por arrienda d’aragoneses y aragonesas, encara pervive.

L’espanyolismo prebó d’asimilar “lo aragonés” en a suya anviesta d’un país espanyol en a diversidat. En Aragón mos tocó o topico d’a jota, a Pilarica y l’Ebro, fendo xublidar a cultura propia d’un país rural, milenario y rico en costumbres, tradicions, dances, mosicas populars y leyendas. Tot ixo contina amagau dezaga d’os topicos baturristas d’o sieglo XIX levaus a categoria universal por o franquismo.

As propuestas de Puyalón de Cuchas ta estricallar ista situgación pasan por empentar un circuito aragonés d’artes aragonesas, protechir y meter en valor as tradicions, mosicas y esprisions culturals d’o país, fer un curriculum aragonés en a escuela an que a cultura y historia aragonesas tiengan un puesto prencipal.

Cal estricallar de raso a sacralización de “lo espanyol” y a espanyolización de “lo aragonés” que dende o franquismo dica agora continan estando vichents y en que os poders publicos y os meyos de comunicación tienen buena parti de culpa d’a suya implantación actual.

About Puyalón de Cuchas