Warning: Creating default object from empty value in /homepages/5/d420049815/htdocs/wp-content/plugins/zdmultilang/zd_multilang.php on line 1450
A lei de luengas ye muerta
Home / Territorio / Aragón / A lei de luengas ye muerta

A lei de luengas ye muerta

O enesimo gubierno, que se fa representant d’a población aragonesa, va a tornar a vulcar a primera oportunidat que teneban os/as aragoneses/as d’apercazar os suyos dreitos como ciudadanos/as. A posibilidat de que a suya luenga materna estase reconoixida  por o gubierno que dicta y lechisla a suyas leis.

Una Lei de luengas ye o minimo, pero no ista, ni a que va aprebar o PSOE, sino una lei como a que tienen atras comunidatz como Galicia, Catalunya, Illes Balears, València, Nafarroa u a Comunidat Autonoma Vasca, do as suyas respectivas luengas minorizadas son oficials. Tal y como diciba o dictamen d’a comisión especial de politica lingüistica d’as Cortes d’Aragón, aprebau en 1997 sin garra voto en contra.

No asinas os actuals politicos aragoneses con representación parlamentaria (totz/as), qui han renunciau de tot a esfender-la.

Os avisos y declaracions, que dende os diferents components d’o B.I.C., s’han feito arribar enta l’opinión publica, no fan que contrimostrar que Puyalón camina por a buena endrecera.

En sentindo as declaracions d’os politicos surtius d’as zagueras eleccions, en os diferents scenarios, paramos cuenta “evidentment” que ellos no son os nuestros representants, no son os representants de bells 55.000 parladors entre catalán y aragonés.

Istas luengas continan sin fer-se sentir en istos scenarios, y as reivindicacions d’os más reivindicativos no se’n fan por ellas: a Democracia no será plena en no estando reconoixida a capacidat de charrar d’os miembros d’o suyo pueblo.

Ni l’espanyolismo, ni o protagonismo, ni l’aculturización enta la que dende sectors d’a cultura aragonesa se nos quiere someter (Aragón ye a comunidat con o presupuesto más baixo en cultura de 2012), ferán reblar a os sectors populars y as diferents manifestacions que’n surtan. Puyalón ye y será siempre con ells.

Deja un comentario

Tu dirección de correo electrónico no será publicada.