Warning: Creating default object from empty value in /homepages/5/d420049815/htdocs/wp-content/plugins/zdmultilang/zd_multilang.php on line 1450
II Asambleya Nacional
Home / Territorio / Aragón / II Asambleya Nacional

II Asambleya Nacional

“Crebando as mugas, a luita ye l’unico camín”. Segunda Asambleya Nacional de Puyalón de Cuchas.

O diya 9 de chunio a militancia de Puyalón de Cuchas, o partiu d’a cucha independentista aragonesa, ye clamada a participar en a suya segunda asambleya nacional. Creiximiento, organización y luita son os tres eixes en os quals se centran as ponencias d’ista asambleya.

Puyalón busca d’ista traza refirmar a suya organización y preparar respuestas debant d’a situación de crisi global y nacional, asinas como a las enrestidas contra o país, as suyas chents y a suya cultura.

A crisi internacional d’o capitalismo (u o mayor rapo organizau d’a historia), a ofensiva recentralizadora espanyolista, o brutal ataque neoliberal a os dreitos socials y laborals, as menazas contra os nuestros espacios naturals, o colonialista refús a las nuestras leis, as nuestras luengas y a nuestra cultura, toda a conchuntura internacional y nacional mos ne levan ta una conclusión: Vivimos en a mayor puyada d’a luita de clases y, por l’inte, la somos perdendo.

En ista circumstancia d’extrema gravedat t’a supervivencia d’o pueblo aragonés como sucheto politico femos una crida a la participación, tamién, en iste proceso asambleyario.

L’Asambleya Nacional ye parada en dos sesions plenarias, a primera d’as qualas se celebrará iste venient 9 de chunio. O reto ye dotar-nos d’una estructura eficaz, simpla y achil, ta concarar con contundencia a luita que libramos ta superar a epoca patriarcal, capitalista y colonial.

Ista primera chornada d’o 9 de chunio será en Zaragoza.

A segunda sesión se ferá o mes de setiembre, y en ella apuntaremos as estratechias politicas a desembolicar dende o nuevo modelo organizativo con que mos dotemos.

Ista segunda asambleya d’o partiu se vive como una oportunidat mas en o camín de confrontación de sistemas economicos, socials y culturals en o qual se i troba capuzada toda a sociedat aragonesa, europeya y mundial.

Puyalón, que conta con representación institucional en concellos aragoneses, quiere sostener a suya presencia publica en as carreras, chunto a sindicatos y ciudadanía, ta continar en la luita contra retalles y agresions meyoambientals, estructurals y culturals. Pero tamién, y d’a mesma traza, Puyalón quiere estendillar a suya presencia en o territorio ta construyir un nuevo Aragón, mas soberano, antipatriarcal, anticolonial y anticapitalista.

Deja un comentario

Tu dirección de correo electrónico no será publicada.