Ista anyada i ha un camaton de novedatz y collas que nos ferán pasar un gran cabo de semana combinando borina y compromiso con a esfensa d’a nuestra tierra.
Podretz disfrutar con collas como La Gossa Sorda, Azero, Sovieht, Las Poliposeidas, China Chana u o cantautor Francho Sarrablo d’a Ronda de Boltaña.
Veyer os espectaculos d’a colla de donzainers Profes Prou, o dance d’o vico zaragozano Sant Chusé con o gran treballo feito en a recuperación d’a nuestra cultura, a batukada dende o Gaztetxe de Lizarra que amenizarán con ritmos calients o lugar d’ Artieda u o correfocBocs de Can Rosés dende Barcelona, que de nueit ferán un espectaculo de luz, fuego y color.
De nueitz tamien se i podrá ascuitar a mosica más combativa d’a man d’esferents Dj’s que amenizarán a borina como a chent d’a “Llitera tropical y cangrejera” u atros d’a scena zaragoza como “Tikus máximus” u “Aló Residente”
Tamién i habrá una ripa de actividatz como charradas, chuegos populars, un Lipdub o sabado en que asperamos que participetz, chentas populars, puesto d’acampada, autobus dende Calatayut, Zaragoza, Uesca y Chaca; y una ripa de sorpresas que podretz veyer.
Remerar, os diyas 13, 14 y 15 de Chulio, tenetz una cita con a esfensa d’a nuestra tierra.
]]>