Warning: Creating default object from empty value in /homepages/5/d420049815/htdocs/wp-content/plugins/zdmultilang/zd_multilang.php on line 1450
Ni un mariu, ni un dios, ni Gallardón pueden decidir que foi con o mío cuerpo
Home / Territorio / Aragón / Ni un mariu, ni un dios, ni Gallardón pueden decidir que foi con o mío cuerpo

Ni un mariu, ni un dios, ni Gallardón pueden decidir que foi con o mío cuerpo

S’estima que anyalment 46 millons de mullers en o mundo interrumpen un embarazo que no pueden asumir. As condicions en as que se realizan os albortos varían enormement seguntes os países, en función d’o grau con o que se respectan os dreitos d’a muller a decidir sobre a suya maternidat y a coherencia d’a suya aplicación. A penalización de l’alborto no determina que i haiga menor numero d’ells pero fa que se’n realicen en condicions de risque constituyendo un problema grau de salut publica.

Por o tanto, as leis contra l’alborto matan mullers en nombre d’a vida. En os países a on l’alborto se considera ilegal, mueren 10.000 mullers a l’anyo, 28 por diya, seguntes os datos d’a Organización Mundial d’a Salut, por haber de recurrir a clinicas clandestinas privadas. Clinicas inseguras, que a sobén cuentan con o beneplacito d’as autoridatz locals, que participan de l’esquimen de dito negocio. As mesmas autoridatz que apreban leis ta viedar o dreito a l’alborto y criminalizar-lo, como ye o caso d’Archentina. A restricción d’o dreito a l’alborto ye un negocio que sale muit caro.

Totz istos problemas son conseqüencia d’una economía de mercau. Os que especulan con a vivienda, son accionistas. Os que abaratan o desemplego, son accionistas. Os bancos que cobran os intreses d’as hipotecas y embargan a qui no puede continar pagando —alcaso porque ha perdiu o suyo emplego u a pensión no le plega—, son accionistas. Os que fabrican preservativos, son accionistas y, prou que, ixos que amontan clinicas ilegals privadas, son accionistas.

Antiparti, iste retroceso de 30 anyos que pretende o ministro Gallardón y o suyo sequito sobre a lei de l’alborto, ye una regresión t’a violencia estructural que s’ha exerciu en l’estau espanyol ent’as mullers y grupos oprimius. Asinas, que quan fablamos d’a violencia estructural ent’as mullers, nos fería goyo de contestar-le a o Partiu Popular, que ye a que vustés refirmaus por a Ilesia Catolica y as suyas institucions exerce sobre os nuestros cuerpos y sobre o dreito a decidir. Y quan fablamos de malformacions, os y as borches que la sufren no tienen una vida digna, tal y como han declarau bells testimonios de mais, como de pediatras, insistindo “que no ye vida, que ye una subsistencia de sufrimiento”. Amás d’o gasto que isto suposa en operacions, baixas por depresión d’as familias, etc, que con os nuevos retalles no se’n podrán asumir. Sumau a isto, si escinden o dreito a os dependients, i habrá familias que no tiengan mas que albortar, antis que no incrementar a suya propia miseria y la d’a suya descendencia. Por o qual, no cal chudgar soque refirmar a todas as mullers que prengan ista decisión.

Atro punto a tractar, ye que con istas midas os y as ciudadanas en situación irregular nomás podrán acceder a la sanidat publica en caso d’urchencia u embarazo, ¿pero alcaso no ye l’alborto una urchencia, y tamién, un embarazo?

Asinas mesmo, o mayor numero de personas en contra de l’alborto son hombres, representando un 77% d’o total, a istos contestar-les que l’enfoque no ye l’alborto soque l’autonomía reproductiva. A qüestión no ye si os hombres son a favor u en contra de l’alborto, ye sobre o respecto a la voluntat y autonomía, a la valuración d’a igualdat y a equidat, a corresponsabilidat,  a no-violencia y atras valuras contrarias a la masculinidat hechemonica, ye decir, contrarios a la intimidación y a la violencia, a las menazas y os maltractos, a la negación d’a manutención u a paternidat.

Finalment, dende a Clau Roya y Puyalón de Cuchas, nos fería goyo de preguntar-le a os provida u a o nacionalcatolicismo espanyol, que nos aclaren as suyas intencions: ¿Tendrán previstos castigos t’as mullers que han albortau y t’o personal sanitario que les ha secundau?. Nos fería goyo de saber, alto u baixo: ¿A quántos anyos de garchola serían condenadas istas personas?

Sumemos-nos todas a o dreito a l’alborto legal, seguro, libre y de baldes. Amás de realizar proposas de salut sexual y reproductiva difuera d’os estereotipos patriarcals y que embrequen a todas as personas que formamos parti d’o feminismo de resistencia y combativo.

[castellano]

Deja un comentario

Tu dirección de correo electrónico no será publicada.