Warning: Creating default object from empty value in /homepages/5/d420049815/htdocs/wp-content/plugins/zdmultilang/zd_multilang.php on line 1450
Espanyol d´Aragón
Home / Territorio / Aragón / Espanyol d´Aragón

Espanyol d´Aragón

O retallau Menisterio de Sciencia y a UZ invertirían + de 550 mil € en l’asimilación d’a luenga aragonesa y catalana en o “Diccionario diferencial del Español de Aragón”

Maria Luisa Arnal, Rosa María Castañer, José María Enguita y Vicente Lagüéns son os asalariaus d’a Universidat de Zaragoza, siempre empentaus por a beca d’o Menisterio de Sciencia e Innovación, que vienen treballando dende o 2005 y asperan fer-lo dica o 2014, en o “Diccionario diferencial del español de Aragón”. No se conoixen datos d’as aduyas d’o Menisterio espanyol pa ista faina colonizadera. Por un regular charramos de concesions de prochectos d’o Ministerio de Cultura de bells 100.000€ sobre os quals no existe mica control y que a la fin una parte siempre remata en as pochas de bells catedraticos. Per atro costau sabemos que o Instituto Cervantes goza de 97,23 millons € de presupuesto 2012, nomás -5,5% respecto a 2011, mientres en Cultura -15,1%, -25.6% en I+D en o mesmo M. Sciencia, u a derogación y modificación d’a lei de luengas d’Aragón seguntes “supuestos” economicos, perfectament maquillaus y feitos publicos por o vocero neoliberal, decano d’a prensa en Aragón.

Afortunadament bells datos encara son publicos, entre o pobre y retallau erario publico. Pero no todas/totz os funcionario/as sufren a mesma marguinación, y a consabida reducción de becas pa estudios parix no plegar d’a mesma traza (-62.5% en becas universitarias 2012). Fendo una meya d’os salarios d’o Departamento de Lingüistica Cheneral e Hispanica, d’a que fan parti todas/totz os quatro profesors d’alto; bells 2.500€ salario bruto mensual fan una cuenta de 466 mil € d’o presupuesto d’a UZ. Euros que hesen feito buena honra pa evitar a reducción -6,6% en o presupuesto d’a UZ en 2012 y por exemplo poder deixar ubiertas as instalacions y bibliotecas d’a Universat tot transcurrindo a Semana Santa, Nadal y 15 diyas de Verano.

A incredulidat por matener hue en diya istos profesors bosaus con diners publicos, arriba en a suya fuga en veyer como se prioriza iste prochecto antis que no un estudio sistematico de l’aragonés, fuent d’o 90% d’os dialectismos d’o castellano aragonés. Os “autoproclamaus” como os investigadors más importants sobre l’aragonés tienen una producción scientifica sobre ista qüestión baixa y mala, nomás fan acto de presencia pa atacar l’aragonés y o catalán y son calladetz tot surtindo dende as Cortz a nueva Lei de Luengas, que contradicen lo que ells dicen en os suyos libros. Talment piensen que l’aragonés no existe?!, pero son perdendo as zagueras oportunidatz d’estudiar l’aragonés, dimpués ellos saben que morirá.

A coordinadera d’iste prochecto que “estudiará bellas 25.000 parolas y que charra d’o buen treballo de muitos departamentos universitarios…”, M.L.Arnal, recalca que ista treballo no ye basau nomás “en tot lo que procede de la parte norte de Aragón ni lo de la franja oriental de la comunidad Autónoma…”. Tot asumindo que a fin de tot iste prochecto ye l’asimilación de l’aragonés (charrau con mayor intensidat en ixa parti norte d’Aragón) y o catalán (charrau en a franja oriental). Pa forro de bota, de vez, quieren rematar a faina de conquista lingüistica d’a resta d’Aragón, prencipiada fa 3 sieglos, con a conquista d’Aragón por parti de Castiella, a baralla d’Almansa y a muerte d’o Chusticia Aragón.

Os tiempos han cambiau, a faina ye la mesma, y as ferramientas diferents. Seguntes informacions d’o vocero de turno en istos afers (H.A.), o programa d’Aragón TV “Bien Dicho”, que bate records d’audiencia cada chueves plegando a o 27,7%, ye un buen exemplo d’iste intrés d’os aragoneses por os “endemismos aragoneses de l’espanyol”.

Dezaga de d’istos prochectos son gobiernos nacionalistas como PP-PAR, cuyo patriotismo no arriba más luen d’os afers culturals u folkloricos, u PSOE, que ya en 2005 permitió l’apertura d’iste prochecto. Y un Menisterio Espanyol que como María diz, “mira de fer o mesmo treballo que en Andalucía ya se fació fa tiempos” (curiosa comparación pa una filogoga). Y que, como en iste caso, u en a derogación d’a lei de luengas, no rebla en rebatir as posicions más consolidadas d’o mundo scientifico, negando a propia existencia de l’Aragonés y o Catalán en Aragón.

Deja un comentario

Tu dirección de correo electrónico no será publicada.