Warning: Creating default object from empty value in /homepages/5/d420049815/htdocs/wp-content/plugins/zdmultilang/zd_multilang.php on line 1450
Debant d’os grieus sucesos acayeixius en o pantano de Yesa
Home / Territorio / Aragón / Debant d’os grieus sucesos acayeixius en o pantano de Yesa

Debant d’os grieus sucesos acayeixius en o pantano de Yesa

Dende Puyalón de Cuchas, organización politica d’a cucha independentista Aragonesa, demandamos l’ature total d’o prochecto de recrecimiento d’o pantano de Yesa y o suyo vaciau immediato debant d’os grieus sucesos d’el qual son estando testigos os vecins d’as localidatz amanadas.

O desaloixo de dos urbanizacions y de quasi un centenar de personas en a localidat navarra de “Esa” no  ye baladí. Y ye que dende a  CHE no han cesau de pregonar a seguranza que istas obras poseyeban, y ye agora en epoca de plevias y nieus quan observamos a gravedad d’a situación. Pues os milars de metros cubicos d’hormigón inyectaus en a ladera d’o pantano de Yesa no son suficients ta retener l’empente de toda l’augua embalsada en l’actual pantano.  D’astí a gran pregunta planteyada: Si con l’actual pantano, y con os meyos invertius, a ladera se mueve periglosament menazando a vida de milars de personas  debant d’una rotura, Cómo pueden asegurar-nos que debant d’un  einxample que triplica a capacidat d’almacenaje, pasando de 490 H a 1.500 H, a seguranza será bella cosa guarenciau?

Ye inacceptable, que un movimiento d’un metro por anyo d’a ladera, con un desaloixo “sine díe” de 2 urbanizacions en “Esa”, y con un largo historial de deslizamientos y profundas crepas dende fa mas de 10 anyos en ixa mesma ladera; o estau y a CHE no cejen a suya voluntat de recreixer l’actual pantano.

Ye a la vista de totz que no pueden guarenciar a seguranza dimpués d’un recrecimiento, dau que ni sisquiera pueden charrar-nos en istes días de “seguranza” u “normalidat” con l’actual pantano.

O estau espanyol pretende hipotecar a seguranza de milars de personas en pro de continar con os lobbies de l’hormigón y o cemento, estando a CHE o suyo prencipal cómplice. D’astí  os succesivos incrementos en os “Presupuestos Generales del Estado” de cara a o prochecto d’o recrecimiento d’o pantano de Yesa; pasando d’os 118 millons d’euros en o 2001, a os 376.8 millons d’euros en os presuposaus de 2013.

Por tot ixo, dende Puyalón de Cuchas demandamos l’ature total d’o prochecto de recrecimiento d’o pantano de Yesa, dau que ye a única vía real y plausible de que i haiga una seguranza plena en a zona. Y exichimos responsabilidatz debant d’a locura d’a CHE y o estau por realizar una obra que mete en periglo a vida de muitas personas, no cancelando o prochecto de recrecimiento y amostrando una  “falsa  sensación de suguiridad” debant d’os grieus sucesos a la vista de totz.