Warning: Creating default object from empty value in /homepages/5/d420049815/htdocs/wp-content/plugins/zdmultilang/zd_multilang.php on line 1450
Puyalón de Cuchas demanda la dimisión de María José Ferrando como coordinadora de la ponencia de la ley de lenguas - Puyalón de Cuchas
aragonés | catalán | castellano
Breaking News
Warning: Creating default object from empty value in /homepages/5/d420049815/htdocs/wp-content/plugins/zdmultilang/zd_multilang.php on line 1450
Inicio / Territorio / Aragón / Puyalón de Cuchas demanda a dimisión de María José Ferrando como coordinadora d’a ponencia d’a lei de luengas

Puyalón de Cuchas demanda a dimisión de María José Ferrando como coordinadora d’a ponencia d’a lei de luengas

As declaracions y actuacions d’a diputada d’o PP María José Ferrando no fan que contrimostrar a incapacidat cultural y de conoiximiento d’una persona que no puede liderar garra ponencia de leis de luengas de garra puesto d’o mundo. Una ponencia tendenciosa y politicament refirmada por PAR y a plataforma “No hablamos catalán”. Plataforma ista d’a que fan parti elementos extremistas, istos sí de dubdosa lechitimidat democratica, agora que reclaman ista parola dende os sectors d’a dreita espanyolista, nomás por haber ganau con mayoría unas eleccions más que influyenciadas por a situación economica por ells creyada.

Dende Puyalón de Cuchas se quiere denunciar que precisament por as presions d’istos sectors quan yeran ampla minoría, no se podió desembolicar una lei digna de luengas ni garra ponencia mientres 30 anyos de democracia. Una democracia ficticia que deixa sin dreito d’expresión y comunicación a millars d’aragonesas/es. Y sin o dreito d’amostranza en a suya luenga, alazet de qualsiquier democracia. Tot ixo ni dimpués de sinyar o dictamen d’a comisión especial de poltica lingüística d’as Cortz d’Aragón, aprebau en 1997 sin garra voto en contra. Dengún que desprecie d’ixa traza o patrimonio d’Aragón, a cultura y a sciencia puede liderar garra foro de debate sobre istos afers. A manca d’a denominación historica d’as dos luengas d’Aragón continará arrocegando qualsiquier iniciativa dende os sectors d’ultradreita espanyolista.

L’emplego de datos falsos y populistas como l’emplego d’o “pinganillo” en as Cortz, a contratación de más funcionarios u de boletins traducius en aragonés y catalán, no son que demanadas ampliament estendilladas por l’espanyolismo en foros europeus u internacionals. Do a incapacidat u arrogancia d’istos politicos les impide seguir garra lectura, conversación u charrada en anglés. Como Ana Botella ha contrimostrau en a suya zaguera presentación de Madrit debant d’o COI. Uns datos comunment manipoliaus en foros internacionals por un tarabidau administrativo arroclau arredol d’o “Instituto Cervantes”, con un presupuesto, iste sí, que nos sacaría a tot estrús d’os problemas de financión en Aragón ta l’amostranza, sanidat u lei de dependencia.

About Puyalón de Cuchas