Warning: Creating default object from empty value in /homepages/5/d420049815/htdocs/wp-content/plugins/zdmultilang/zd_multilang.php on line 1450
Puyalón de Cuchas participa hue en a manifestación por una “Chovenalla libre y legal” que se leva a cabo en Donostia
Home / Internacional / Puyalón de Cuchas participa hue en a manifestación por una “Chovenalla libre y legal” que se leva a cabo en Donostia

Puyalón de Cuchas participa hue en a manifestación por una “Chovenalla libre y legal” que se leva a cabo en Donostia

Dende Puyalón de Cuchas hemos quiesto asistir a la manifestación por una “Chovenalla libre y legal” que se celebra ista tardi en Donostia. Y ye que veyemos fundamental que cese toda forma de criminalización contra a chovenalla d’Euskal Herria.

Dende fa quantos anyos, hemos visto atonitos as consecutivas macroperaciones por parte d’as FSE contra a chovenalla vasca. Hemos puesto constatar cómo se engarcholaban a cuadrillas enteras de chovens ta dimpués pasar quantos anyos en prisión a l’aspera de chudicio. Y ye agora, quan o estau ye programando os chudicios, con o solo obchectivo d’amedrentir a la sociedat vasca en cheneral y a suya chovenalla en particular.

Por ixo, dende diversos sectors d’a sociedat vasca, se son organizando actos d’emparo a la choventut. Con a finalidat d’exichir una serie de dreitos civils y politicos que estioron furtaus a la choventut vasca fa anyos.

Por tot ixo, dende Puyalón de Cuchas nos solidarizamos con a choventut vasca y le animamos no cejar en a suya empeño de luitar  en pro d’una Euskal Herria  y una choventut “libre ta legala”.