Warning: Creating default object from empty value in /homepages/5/d420049815/htdocs/wp-content/plugins/zdmultilang/zd_multilang.php on line 1450
Contra la criminalización d’a chovenalla vasca
Home / Textos / Comunicaus y Resolucions / Contra la criminalización d’a chovenalla vasca

Contra la criminalización d’a chovenalla vasca

Puyalón de Cuchas, organización politica d’a cucha independentista aragonesa, quiere amostrar o suya total repulsa contra la condena de seis anyos de garchola que o TS d’o estau espanyol ha dictau contra 8 chovens independentistas vascos por a suya militancia politica.

Con ista condena, a primera d’os varios macrojuicios contra choventut independentista vasca que se ferán en calendatas proximas como a macroredada d’o 24 de noviembre de 2009 contra 34 chovens, o estau espanyol luen d’amoldarse a la situación actual de fin de la luita armada d’ETA y a l’autodisolución de Segi, l’antiga organización chuvenil, prefiere condenar a istos chovens por a suya militancia politica. A sentencia tiene mesmo contradiccions con atras anteriors, que fan temer que ista servirá de puent ta condenar a más chovens y que a mera militancia en una organización se ferá servir ta condenar a seis anyos de garchola en os siguients macrojuicios contra chovens independentistas vascos.

Puyalón de Cuchas ninvia un fuerte abrazo de solidaridat internacionalista tanto a os 8 condenaus como a os suyos allegados. No son solos y a movilización social y a desobeciencia civil serán nuestras millors armas en la luita contra a criminalización d’o movimiento chuvenil tanto en Euskal Herria, como en Aragón u en atras partes d’o estau.

Euskal gazteria aurrera!!!

Gazte bat gehiagorik ez!!!