Warning: Creating default object from empty value in /homepages/5/d420049815/htdocs/wp-content/plugins/zdmultilang/zd_multilang.php on line 1450
Puyalón de Cuchas debant d’un nuevo ciclo
Home / Territorio / Aragón / Puyalón de Cuchas debant d’un nuevo ciclo

Puyalón de Cuchas debant d’un nuevo ciclo

A organización politica referent d’a cucha independentista aragonesa sale reforzada en a suya segunda Asambleya Nacional, celebrada iste sabado en Zaragoza.

Mientres o maitín d’iste sabado, 15 de febrero, Puyalón de Cuchas, organización politica d’a cucha soberanista aragonesa, ha concluyiu a II Asambleya Nacional «Crebando as mugas a luita ye l’unico camín», proceso que ha durau un anyo y meyo, dando paso a un nuevo ciclo.

A militancia de Puyalón ha aprebau en a zaguera sesión un nuevo documento organizativo que introduz qualques modificacions internas. Un d’os prencipals cambeos se produz en a composición d’o Consello Executivo (organo que s’encarga d’executar os acuerdos d’a organización entre Asambleyas y comités nacionals), que pasa a estar formada por seis personas en cuenta d’as ueito por el qual yera componiu anteriorment. Pa o Secretario d’Organización Francho Herrero, «iste cambeo no afecta a o caracter asambleyario d’a organización, ya que as decisions politicas y as lineas de treballo continan prenidas por a militancia en os organos d’o Comité Nacional y l’Asambleya Nacional».

Unatra d’as novedatz introducidas en l’Asambleya ye a creyación d’a Secretaría Territorial, d’el qual se ferá cargo Roberto Gracia. Con ista nueva Secretaría, Puyalón mira d’afianzar y empentar o treballo d’os Ligallos de Redolada y d’as Asambleyas de Lugar, con l’obchectivo de descentralizar y afianzar o treballo d’a organización en as diferents localidatz aragonesas.

Unatra important decisión prenida por os independentistas en o día de hue ha estau a de concorrer a las proximas eslecions europeyas, que tendrán puesto o 25 de mayo. A decisión ha estau refirmada de traza unanime por parte d’a militancia soberanista. Puyalón participará en istas eslecions baixo una coalición formada por organizacions independentistas y soberanistas de cuchas d’o Estau espanyol, que se ye articulando.

Por a suya parte, Zésar Corella Coordinador Nacional ha zarrau a II Asambleya Nacional, sinyalando que «nos hemos asentau en o panorama politico aragonés, estando una verdadera alternativa politica t’os y as aragonesas, afrontamos agora o reto d’establir as futuras lineas de treballo y actuación de cara a futuras eslecions. Amás quiero destacar o desembolique d’o documento -Fica-le Color a la Foscor -, presentau en chinero y en o qual proposamos una serie de medidas ta salir d’a crisi y superar o marco que las chenera»