Warning: Creating default object from empty value in /homepages/5/d420049815/htdocs/wp-content/plugins/zdmultilang/zd_multilang.php on line 1450
Os nuestros compromisos
Home / Textos / Comunicaus y Resolucions / Os nuestros compromisos

Os nuestros compromisos

¡SÍ A OS DREITOS D’AS PERSONAS!
¡NO A LA EUROPA D’A TROIKA!

cartel europeas 2014As eleccions a o Parlamento Europeu d’o 25 de mayo se producen en una situación marcada por a profunda crisi d’o sistema economico capitalista en o que millons de personas fan cara a o desemplego, a o desafiuzamiento d’as suyas viviendas, a precariedat, o empobreiximiento y a exclusión social.

Chovens, mullers, chubilaus… se concara a midas d’austeridat impuestas dende difuera. O empentón decidiu a la soberanía d’o pueblo aragonés ye, mas que nunca, l’unica traza ta abanzar enta un modelo de sociedat chusto y igualitario.
Ista grau emerchencia social exiche una alianza continental que no responda a os mercaus sino a las necesidatz d’as personas y a la voluntat d’os pueblos. Istos son os nuestros compromisos:

¡SÍ A LA CHUSTICIA SOCIAL!

A conseqüencia d’o esclate d’a bombolla d’especulación financiera ye un rescate a la Banca que pagamos totz y todas. Exichimos l’auditoría d’a deuda y o suyo impago. Defendemos a nacionalización d’a Banca y atros sectors estratechicos, como o enerchetico, asinas como una renta basica ta totz y todas.

¡NO A LA EUROPA D’O CAPITAL!

Defendemos o dreito d’aragoneses y aragonesas a decidir a suya permanencia en a Unión Europea, l’Euro y a OTAN. Por una Europa social basada en un nuevo modelo no especulativo y sostenible con una politica que siga o bien colectivo frent a os intreses de multinacionals. Defendemos a soberanía alimentaria, a guarancía d’o dreito a la salut, a educación, l’asistencia social y a vivienda.

¡Sí a os procesos soberanistas en Europa y o mundo!

Porque totz os pueblos tienen o dreito a defender a suya libertat y dignidat, nos comprometemos con un modelo de sociedat que promueva a cultura d’a paz, a cooperación y a solidaridat internacionalista.

¡No a la uniformización cultural y lingüistica!

A nuestra cultura ye a nuestra riqueza. Treballamos por un marco legal que guarancie a conservación d’o patrimonio aragonés y a pervivencia d’a nuestra diversidat cultural y lingüistica.

¡Sí a las libertatz democraticas plenas!

As politicas centralizadoras d’o Estau espanyol retallan libertatz y dreitos ciudadanos. Cal construir politicas que surta d’as caracteristicas propias d’Aragón y promover un scenario de libertatz democraticas plenas.

¡No a la discriminación de chenero!

Precisamos un cambio normativo y churídico que guarancie a fin de toda discriminación. Isto exiche midas integrals que destruya o sistema patriarcal y a suya violencia sexista, y en particlar que guarancie o dreito real a decidir d’as mullers sobre o suyo cuerpo, a suya sexualidat y a suya capacidat reproductiva.

¡Sí a la igualdat, no a o racismo y o faixismo!

Denunciamos as politicas criminals migratorias que han provocau a muerte de mils de sers humanos fendo-los responsables d’as lacras d’o nuestro sistema economico. Un sistema que alienta a competitividat, o racismo y o creiximiento d’a extrema dreita. Abancemos ent’a superación de toda mena de discriminación, ya siga por raza, orichen, relichión, orientación sexual, pertenencia cultural u capacidatz diferents.