Warning: Creating default object from empty value in /homepages/5/d420049815/htdocs/wp-content/plugins/zdmultilang/zd_multilang.php on line 1450
Puyalón manifiesta a suya satisfacción con o barometro d’o CIS que dona un eurodiputau a la coalición “Os Pueblos Deciden”
Home / Territorio / Aragón / Puyalón manifiesta a suya satisfacción con o barometro d’o CIS que dona un eurodiputau a la coalición “Os Pueblos Deciden”

Puyalón manifiesta a suya satisfacción con o barometro d’o CIS que dona un eurodiputau a la coalición “Os Pueblos Deciden”

Puyalón podría ser, con ista enqüesta, a unica representación posible de l’aragonesismo politico, dende una achuga por una Europa d’os pueblos y d’as triballadoras

A coalición “Os pueblos deciden”, d’a que forma parti Puyalón de Cuchas, obtendría un eurodiputau seguntes o barometro d’o CIS publicau bellas horas antis d’o prencipie d’a campanya electoral. D’ista traza, l’independentismo aragonés tendría voz en un Parlamento Europeu que cal convertir en un vocero d’as aspiracions d’os pueblos y d’a clase triballadora contra la Europa d’os mercaus y os estaus.

A candidata d’a coalición, Asun Galina, ha asegurau, antimás, que “a enqüesta que vale ye a d’o refirme d’as aragonesas y os aragoneses a las propuestas contra ista Europa que esboldrega os dreitos d’as triballadoras y as aspiracions de libertat d’os pueblos d’Europa”.

Puyalón de Cuchas, que fa parti d’a coalición “Os pueblos deciden”, quedaría, de producir-se istos risultaus, como a unica fuerza aragonesa con representación en o Parlamento Europeu. A candidata ha afirmau que “o voto de l’aragonesismo politico, d’o soberanismo aragonés, ye a coalición “Os Pueblos deciden”, una propuesta de esferents pueblos sin d’estau ta levar a voz d’os pueblos enta o Parlamento Europeu”.

Seguntes Asun Galina, o barometro d’o CIS, ha d’estar “ratificau por as urnas”, pero, sobre tot, “en a carrera, an de traza cutiana o pueblo concara las politicas que preban de prener-li dreitos y libertatz, y chitar-lo en mans d’a precariedat laboral, social, economica, cultural y nacional”.