Warning: Creating default object from empty value in /homepages/5/d420049815/htdocs/wp-content/plugins/zdmultilang/zd_multilang.php on line 1450
“Esfendemos as lenguas” critica o cambio en a denominación d’a asignatura “Lengua Catalana” por “Lengua Oriental”
Home / Territorio / Aragón / “Esfendemos as lenguas” critica o cambio en a denominación d’a asignatura “Lengua Catalana” por “Lengua Oriental”

“Esfendemos as lenguas” critica o cambio en a denominación d’a asignatura “Lengua Catalana” por “Lengua Oriental”

mequinensa esfendemos“Esfendemos as luengas” se solidariza con a indignación de l’AMPA d’o colechio María Quintana de Mequinensa por o cambio d’a denominación de l’asignatura “Luenga Catalana” por “Luenga Oriental”.

L’asociación de pais y mais d’o colechio María Quintana de Mequinensa ha manifestau a suya “indignación” dimpués de comprobar que en o boletín de notas d’os suyos fillos correspondients a o primer trimestre d’o curso 2014-2015, ha cambiau l’asignatura de “Luenga Catalana” por “Luenga Oriental”. Recordamos que Mequinensa ye un lugar d’a provincia de Zaragoza de parla catalana.

Una d’as portavoces de l’AMPA, Juncal Casaiz manifestó que le parixeba “aberrant”, ya que levaban anyos luitando ta tener o catalán como bella cosa normal y estabilizada, y agora han pasau a trobar-se con “l’oriental”, que ye bella cosa que sona a “chino”.

Casaiz subrayó que Mequinensa ye a o costau de Catalunya y que os suyos fillos son aprendendo un idioma reconoixiu, como ye o Catalán.

En a mesma linia se manifestó a concellera de l’aria d’educación d’o Concello d’a localidat, Gema Nadal, que explicó que dica agora os ninos saliban d’a escuela con una titulación oficial, y agora con bella cosa que se diz “Luenga Propia de l’Aria Oriental”.

Dende o Departamento d’Edución d’o Gubierno d’Aragón aseguran que se tracta d’una error informatica que se ha modificau. Pero que en qualsiquier caso, a nomenclatura no va a afectar a la titulación d’os alumnos.

Error u no, iste ye un episodio más en l’encerrinamiento d’un Gubierno d’Aragón en no clamar a las cosas por o suyo nombre, acceptau por toda la comunidat de profesionals d’a lingüistica y a filolochía. Prebando de creyar, antimás, un conflicto a on que nomás bi heba convivencia y normalidat.

Esfendemos as luengas