Warning: Creating default object from empty value in /homepages/5/d420049815/htdocs/wp-content/plugins/zdmultilang/zd_multilang.php on line 1450
I+D y Soberanía. Contra la desvertebración industrial en Aragón - Puyalón de Cuchas
aragonés | catalán | castellano
Breaking News
Inicio / Territorio / Aragón / I+D y Sobiranía. Contra la desvertebración industrial en Aragón

I+D y Sobiranía. Contra la desvertebración industrial en Aragón

Qualsiquier movimiento que tienga como obchectivo transformar un sistema que se ha contrimostrau ineficaz en un país, habrá de pensar en a mai de tot lo proceso obrero proletario: “a Industria”.

Podríanos charrar-ne muito; cooperativismo, economía dependient, sociedat industrial,… y podríanos siguir con “federación de treballadors u sindicalismo”. Son debatz que en dentro d’una organización como Puyalón son de firme tractar con conciencia obrera.

Ista vegada a vertebración industrial en Aragón y as políticas d’empente son bien d’actualidat. En veyer como a D.Ch.A ha desviau 73 millons d’euros d’o “Plan Impulso” pa bosar nominas y no pas pa barallar o desemplego y reactivar a economía aragonesa.

industrialización1A estructura industrial d’Aragón no cambiaría guaire con ista partida, pero sí podría rebaixar as conseqüencias d’un rete industrial oblidau conscienment mientres sieglos per as políticas estructurals espanyolas.

Si quan l’americano William Foote se pasó por Mondragón pa estudiar en vivo os procesos cooperativos y o tarabidau industrial de l’alto Deba, s’hese entrapuzau con Aragón, de seguras que habríanos amaneixiu en belún d’a suya ripa d’estudios como eixemplo opuesto, de país en o preto d’Europa y con menor endiz d’inserción industrial.

Dende l’espanyolismo siempre s’ha contimparau a situación d’Aragón con a d’os nuestros becins: País Vasco u Catalunya. Un discurso enfrontinador y manipoliador que muitos miran d’explicar con bells supuestos beneficios espanyols mientres muitos anyos. Beneficios sin os quals agora no serían uns d’os países más desembolicaus d’Europa. Beneficios supeditaus a renegar d’as suyas “dolents” ansias separatistas.

Si prenemos l’eixemplo d’a industria gipuzkoana u bizkaina, podemos rebiscolar os suyos ancestrals orichnes miners d’o Hierro y puertos, a l’igual que a suya vecina Asturias (ista manimenos castigada por o desemplego y a desindustrialización). Veyemos como as suyas Ferrerías que aproveitaban os churros d’augua evolucionoron enta as millors acerías de l’Estau. Iste feito no le libró d’entrapuzar-se con as grans crisis de l’Estau espanyol, encara con más dureza. En 1986 con a monarquía de Juan Carlos recient enguerada, tot caminando l’Estau espanyol con un indiz d’o 20% de paro, en a CAV padeceban o 27%.

O gubierno vasco, con as suyas engueradas competencias tributarias a tot estruzio, sabeba d’a importancia de l’inversión en tecnolochía, desembolique industrial, y I+D. Dimpués de más de 25 anyos dende a zaguera crisi, toda la soberanía que ha puesto conseguir iste chicorrón país d’o norte peninsular, con una ancestral tradición ferrica, l’ha levau a tener una d’os millors tarabidaus industrials d’Europa, con un porcentache d’o 15.8% de paro, u 14,9% en Navarra (tamién con Ficienda propia), frent a o 24% de l’Estau espanyol, o 34% d’Andalucía u o 18,7% d’Aragón. Manimenos, a contimaparación con Aragón s’agrava en veyer a baixa densidat poblacional, a baixa calidat d’os contratos y a emigración chovenil firme que no’n puede más.

Quan charramos d’emigración laboral chovenil en Aragón, a dengún no se l’eslampan as 1.500 aragonesas/as anyals que buscan treballo difuera de l’Estau espanyol sin oblidar as que emigran en dentro d’a muga estatal. En setiembre de 2014 ya yeran bellas 29.500 as rechistradas difuera de l’Estau.

No ye una situación isolada, de despoblación laboral cheneral, sino d’a emigración forzada a la qual l’Estau espanyol ha espelletau a Aragón mientres sieglos, más encara en o mundo rural.

Fa bellas semanas conoixébanos a decisión d’una empresa vasca Gamesa, con siede en Zamudio y planta en Pamplona, de trancar la ya malmesa planta de Tauste con os zaguers 39 treballadors, en beneficio d’a planta de Agreda (Soria). Poco dimpués, en os resultaus estadisticos d’o desemplego estatal de 2015 conoixébanos que Tarazona yera o municipio septentrional con o endiz de desemplego femenino más alto d’Espanya, por debaixo del 36%. Una muller que ha sufriu como dengún a esferra en Aragón.

industrialización2No son que eixemplos d’o tradicional desarraigo, oblido y desvertebración d’a industria espanyola con Aragón. Que manimenos choca con o catén mensache rechionalista, demandando una salida por o Canfranc. Aquí, a rispuesta más imposada ha estau la d’una politica victimista qui culpe a catalans, vascos u franceses de l’oblido a o qual Aragón ha estau destinau tradicionalment.

As numbrosas noticias relacionados con a posición estratechica d’Aragón dende os medios oficialistas, nomás evidencian a suya reyalidat con una posición privilechiada y con manca de medios pa vertebración y desembolique.

L’esbarre d’impuestos fan imposible o posicionamiento d’Aragón en Europa. A situación estratechica de Zaragoza, a 300 km de Toulouse, nomás sirve pa chenerar publicidat de “crispación espanyolista”.

Un títol como “Potencial logístico de la ciudad más española de España” de portals como “Globalíder Zaragoza” amuestran una imachen d’Aragón, do “se superará o record d’exportación”. Manimenos veyemos a manca de prochectos y a incapacidat d’Aragón en plegar en a puerta de l’industria europeya, Airbus de Toulouse.

Nomás 15 chicorronas interpresas aragonesas en istos momentos facturan bells 40 millons d’euros (que no beneficios) a la mayor industria d’Europa. A tasament 190 km de Bielsa, pero con un rete de comunicacions malilsmo que no veye en o túnel de Vielha (administración de l’Estau espanyol en a vesant norte) garra alternativa a la sincusa espanyolista d’o “Somport”.

industrializació3

Foto: Camión leidano baixando por a Vall d’Arán enta Francia dimpués d’o túnel de Vielha.

Manimenos, continamos veyendo cómo industrias comunicadas a más largas distancias arriban en Toulouse sin garra problema. En especial, y continando con l’eixemplo, veyemos como una trentena d’empresas vascas treballanan en o nuevo modelo Airbus A350 XWB:

https://vimeo.com/115351124

No ye que as comunicacions sigan o mayor problema, que también en ye, sino que limpio someter Espanya a Aragón dende tiempos habe con inversión ridiculas en I+D, y os esfuerzos d’inversión en certificación que demandan as grandes companyías europeyas como “Airbus” nos deixan encara más luen d’os 190 km que separan Bielsa de Toulouse. Redoladas industrials como Monzón, Binefar u Balbastro no pueden remanir perén a l’espera d’os repuis d’unas aduyas, ni a l’espera d’a reactivación d’o mercau espanyol.

A soberanía y o dreito a decidir no ye nomás una filosofía u una utopía, ye una reyalidat sin a qual Aragón nunca no podrá fer parte d’a Europa industrial y cheografica.

industrializacion4En atras qüestions como lo presupuesto de l’Instituto Cervantes y os retalles en cultura ya analicemos a reducción d’un 25% en inversión de I+D d’o M. Ciencia de l’anyo 2011 a o 2012. Tamién sabemos que o Departamento d’Industria representó en 2013 un 1,65% d’os presupuestos d’o Gubierno d’Aragón. Manimenos se sabe que en 2012 o presupesto d’Industria e Innvación estió de 110 millons d’euros y en 2013 de 87 millons, lo que ye una cayida d’o 21%, a lo qual cal adhibir un 28% d’o presupuesto que deixó d’echecutar-se pa cumplir con a deuda y o déficit 0%, exichiu por o gobierno espanyol.

Por fer contimparanza, en 2013 se invertió en a C.A.V. 1328 millons d’euros (2,09%) d’o suyo PIB, a lo que cal adhibir as inversions y subvencions d’as suyas respectivas deputacions forals. Por a suya parti, Navarra tenió un presupuesto de 1,79% d’o suyo PIB, 317,2 millons d’euros. Bells dos en anyos de retalladas.

De vez que istos retallados presupuestos veyemos como ha habiu un desvío d’un 400% en as obras d’o recreiximiento de YESA, bells 400 milons d’euros con a oposición d’o pueblo, d’a naturaleza y a seguridat. Entre o zaguer sieglo, os regadíos privaus han estau a unica industria permitida y empentada economicament por l’espanyolismo en Aragón. A gran ferramienta histórica adedicada a l’extracción d’os recursos propios.

Puyalón de Cuchas

About admin