Warning: Creating default object from empty value in /homepages/5/d420049815/htdocs/wp-content/plugins/zdmultilang/zd_multilang.php on line 1450
O programa didactico sobre l’actividat pastoril d’a comarca de Sobrarbe amaga la luenga aragonesa
Home / Territorio / Aragón / O programa didactico sobre l’actividat pastoril d’a comarca de Sobrarbe amaga la luenga aragonesa

O programa didactico sobre l’actividat pastoril d’a comarca de Sobrarbe amaga la luenga aragonesa

https://vimeo.com/133392130

En un exercicio d’hipocresía didactica, a Comarca de Sobrarbe, y o suyo Geoparque, adedican por tercera anyada os fondos de programas europeus a l’estudio y conoiximiento d’as “actividatz que han salvaguardau l’ecosistema d’o territorio”. L’actividat ganadera y treballo de pastor en ye una, y a luenga parlada por ells, asinas como a toponimia, habría d’estar un d’os elementos prencipals.

En Aragón, y ista vez en a comarca de Sobrarbe, una vez más s’amaga y se pasa de largo en l’estudio y amostranza d’a influyencia que a luenga aragonesa i tiene.

O Geoparque de Sobrarbe (Comarca de Sobrarbe) desembolicó mientres o mes de mayo de 2015, un programa didactico pa ninos de 3 a 12 anyos. Centrau en o Patrimonio Mundial de Sobrarbe y en a importancia de l’actividat pastoril. Un puyal de países y territorios europeus treballan d’igual traza, tot fendo servir os fondos europeus pa o suyo mantenimiento. Una actividad financiada por o Menisterio d’Educación, Cultura y Esporte d’o Gubierno d’Espanya, a Comarca de Sobrarbe, o Rete europeu de Geoparques y a UNESCO.

http://www.geoparquepirineos.com/contenidos.php?niv=1&cla=_2OA1CATPF&cla2=_2OA1CGAWQ&cla3=&tip=2&pla=0&idi=1

En o programa han feito parte os centros escolars de Sobrarbe, asinas como o Concello de Barcabo y Tella-Sin, o Parque Nacional de Ordesa y Monte Perdido y o Parque Cultural del Río Vero. Interpresas profesionals de l’ambito d’a educación medioambiental, que no s’esmeran mica en conoixer a parla y con una nula sensibilidat lingüistica (Ignacio Pardinilla Bentué, Aviva Rural, Senderos Ordesa,..) fan la resta en iste desproposito cultural.

Truca o ficacio cómo en a promoción d’istas chornadas amaneixen mensaches como: “conoixer l’oficio de pastor, conoixer leyendas y tradicions, qué ye o patrimonio y porqué cal la suya protección, importancia d’a investigación, restauración, conservación y protección d’o nuestro patrimonio cultural y natural, difundir o rico patrimonio de Sobrarbe, sensibilitzar a la población local,..”. Manimenos, l’alazet de toda ista cultura, como ye a parla, ye eliminada d’o prochecto.

http://www.geoparquepirineos.com/contenidos.php?niv=1&cla=_2OA1CDG68&cla2=_42G0L9SC0&cla3=_4D50NT968&tip=3&idi=1

Esfendemos as Luengas