Warning: Creating default object from empty value in /homepages/5/d420049815/htdocs/wp-content/plugins/zdmultilang/zd_multilang.php on line 1450
A nuestra solidaridat con as poblacions destruyidas por as fogarciadas d’as Altas Cinco Villas
Home / Territorio / Aragón / A nuestra solidaridat con as poblacions destruyidas por as fogarciadas d’as Altas Cinco Villas

A nuestra solidaridat con as poblacions destruyidas por as fogarciadas d’as Altas Cinco Villas

Dende que prencipió a ola de calor a chent que vivimos y treballamos en o campo, que somos cullindo u que sacamos os rabanyos, hemos iu veyendo como se ixucan os nuestros monts. Día a día hemos notau creixer en o nuestro interior o espanto a que se presentase o monstruo d’o fuego, nos ha espantau y hemos deseyau que brenca pasase, con iste bochorno, con a de broza que i hai en o mont.

incendio luna
Foto de AraInfo

Desgraciadament o fuego ha feito finalment acto de presencia alimentau por as piors circumstancias imachinables. A desgracia ha trucau a la puerta d’as chents d’Orés, Asín, Farasdués, Biota y Malpica. Ferá falta un firme esfuerzo d’a población local, d’os bombers forestals y d’as autoridatz pa que no se sumen muitos mas lugars a ista terrible lista.

Dende Puyalón nomás podemos deseyar que os treballos d’extinción se desemboliquen lo millor posible.

O nuestro emparo y saludo afectuoso a os bombers forestals; tos deseyamos suerte y fortaleza, tos damos as gracias por o vuestro grandatz treballo y atamás d’estar a vuestra cara afumada y as vuestras pestanyas socarradas hetz de fer-tos alcordanza de que muitas personas somos con vusatros/as. Tamién deseyamos a las autoridatz sabiduría, dilichencia y templanza en a coordinación d’os treballos: naveguen con responsabilidat, organicen bien os redolins de descanso y no obliden ni por un segundo a seguranza d’os bombers forestals.

Y o día en que se controlen totz os focos será o momento de tornar a charrar d’as reivindicacions d’a población rural y de bombers forestals. Será o momento de reconoixer a categoría profesional de qui totz os veranos se deixa a piel por os nuestros monts. Y será o momento de recordar o papel d’a ganadería extensiva y que as fogarciadas se producen de verano, pero s’amortan d’hibierno, escoscando os monts.

Animo vecinas y vecins. Suerte y buen treballo bombers forestals.

Puyalón de Cuchas