Warning: Creating default object from empty value in /homepages/5/d420049815/htdocs/wp-content/plugins/zdmultilang/zd_multilang.php on line 1450
Puyalón quiere comunicar a perplexidat por a manca de sensibilidat en a triga d’o nuevo Director de Politica Lingüistica
Home / Territorio / Aragón / Puyalón quiere comunicar a perplexidat por a manca de sensibilidat en a triga d’o nuevo Director de Politica Lingüistica

Puyalón quiere comunicar a perplexidat por a manca de sensibilidat en a triga d’o nuevo Director de Politica Lingüistica

4513_99520075311_2624997_nPuyalón de Cuchas contina sin veyer mica sensibilidat en a triga d’un puesto tan important, como a de l’encargau d’a Politica Lingüistica en Aragón en os proximos quatre anyos. Un puesto de nueva creyación an que s’heban meso muitas esperanzas, y que habría de chenerar os alazetz d’a recuperación y dignificación d’as luengas propias d’Aragón (aragonés y catalán).

Una perplexidat que vien provocada por os conflictos y dubdas cheneradas en o mundo de l’amostranza d’as luengas propias en Aragón mientres a zaguera lechislatura.

Un Director de Politica Lingüistica habría de tener un esprito constructivo y en garra caso traspasar a “linia roya” de suspender clases en a escuela.

As organizacions politicas y culturals que tienen como un d’os prencipals empentadors a la persona de José Ignacio López Susín: CHA, Rolde de Estudios Aragoneses (REA), y a Fundación Gaspar Torrente. Son as prencipals responsables d’o recurso de setiembre de 2014 en o Tribunal Superior de Justicia de Aragón contras as clases d’aragonés en primaria. Acompanyau de duras criticas a un sector d’o mundo d’esfensa d’a Luenga aragonesa, que ye mayoritario y d’amplo consenso.

Tornamos a fer un clamamiento en favor d’os consensos alcanzaus en o II Congreso de l’aragonés en 2006 y por que s’ixamplen con o refirme d’s institucions como en zaguerías s’ha feito. Arroclando-ie a un amplo especto d’o movimiento d’esfensa de l’aragonés.

Continamos sin entender cómo, decisions tan importants y d’extrema necesidat, han puesto surtir de debates que se troban luen de l’ambito scientifico y docent. Pactos y carranyetas que han plenau en zagueras a prensa aragonesa, y que nunca no habrían de perchudicar a luita por a supervivencia d’una d’as luengas en más peligro d’extinción en Europa, l’aragonés, y o declive en Aragón d’a suya chirmana, o catalán.

Puyalón de Cuchas debant d’a creación d’a Dirección Cheneral de Politica Lingüística creye que s’ubre una nueva etapa que puede resolver os diferents problemas de as lenguas d’Aragón, l’ostracismo que sufren, os problemas identitarios de o catalán, continidat cheneracional, problemas normativos pa l’aragonés,…

Queremos fer ficancia en a responsabilidat de totz os partius politicos, de todas as asociacions y a d’o nuevo Gobierno d’Aragón y esperamos que o nuevo Director Cheneral de Politica Lingüística treballe en pro d’un consenso real que no chenere tantas dubdas y conflictos, que o tiempo de dinamitar y minar as iniciativas d’otri haiga acabau, que o dialogo y a resolución de conflictos siga a política d’implementar.

Por ixo recomendamos a José Ignacio López Susín un cambio real en as iniciativas en favor de l’aragonés y d’as diversas sensibilidatz entre qui lo dignifica, si no veyemos una lechislatura larga y plena de problemas. Dende Puyalón cusiraremos os pasos que se seguirán dende a Dirección Cheneral y chunto a la sociedat civil miraremos de guarenciar un nuevo tiempo d’acuerdo y consenso para la supervicencia de l’aragonés y o catalán en Aragón.

Puyalón de Cuchas