Warning: Creating default object from empty value in /homepages/5/d420049815/htdocs/wp-content/plugins/zdmultilang/zd_multilang.php on line 1450
Turismo con "identidad" como marca en Aragón - Puyalón de Cuchas
aragonés | catalán | castellano

Turismo con

A “despersonalización” ye uno d’os periglos mas grieus que corre o Turismo en Aragón. Os expertos en turismo saben que, “si qui nos visita para cuenta de que no i hai vida local, que bellas zonas son parellanas a atros muitos lugars que ya han visitau, ista persona ya no i torna, y tampoco no lo va a recomendar”.

Mientres muitos anyos hemos sentiu decir de voz d’a población local de l’Alto Aragón, todas/totz ells con perspectivas de vivir d’o turismo, que no podeban rotular-se os cartels en aragonés “Val d’Echo”, “Val de Chistau”, Chistén, Treserols,… porque “sino os turistas se confundirían y no i vendrían”. En Sallent de Galligo, la zaguera semana de chulio, con os votos de PAR, se levó ta o concello una propuesta contra l’adecuación de nombre d’os “tresmils” a la denominación tradicional en aragonés, ya que “levaría a la confusión de turistas y visitantes”.

Fa anyos que se rematoron os programas de l’Etno-museu d’os Pirineos de Chaca, Samianigo fa timidas prebatinas d’insertar l’aragonés en a ruta d’as ermitas romanicas u o museu Ángel Orensanz, y en garra oficina turistica d’o Pirineo aragonés se pueden trobar información sobre a luenga aragonesa, a “identidat”, l’arquitectura, a cocina, … u as especificas trazas de vivir aragonesas.

Os expertos en turismo remarcan ixa tendencia que busca o turista forano/a, ixaolivandenhof personalidat en a cultura, a gastronomía y l’arquitectura. Más que más en un Turismo como lo d’Aragón, que no ye de placha y sol, sino d’interior. A moda d’o “tapeo” a desplazau a o tradicional “vermuth” aragonés, encara que nomás siga por ixa “marca” espanyola d’o nombre.

En atro articlo podríanos entrar a valorar si os millons d’euros invertius por l’Estau espanyol en a promoción de Sol y Placha, en realidat se han puesto amortizar bella vez en Aragón. A respuesta sería No, y caldría mirar-se enta una autochestión d’ixos recursos pa una promoción más efectiva. As inversions en mantenimiento y restauración d’os cascos antigos d’Aragón son irrisorias en contimparanza con os lugars de Portugal, Francia, Italia u Alemania, iste muit afectau por a II Guerra Mundial.

En 2016 a Organización Mundial d’o Turismo anunció que heba estau un anyo record pa Espanya con más de 75 millons de turistas, y tamién se crebó a tendencia, aumentando o gasto por turista. En todas comunidatz se heba aumentau a visita de turistas foranos de difuera de l’Estau espanyol, fueras de Extremadura, Castilla-León, Castilla-La Mancha y Aragón.

Aquí en a grafica podemos veyer as diferencias de visitas internacionals seguntes comunidatz autonomas. A mayoría con datos muito más alteros que Aragón, tot y que ista tiene un territorio muit amplo y mayor capacidat de cullita.

Atro d’os indicadors más importants son as tasas aeroportuarias y l’emplego d’os aeropuertos. En Aragón, debiu en parti a la organización turistica de l’Estau espanyol, se contina negando un aeropuerto en condicions y unos enlaces enta Europa minimos.

Ya dengún no se’n alcuerda d’os hipoteticos efectos d’a EXPO’08. Una vuelta por os puntos de venta de viaches, “touroperadores” u guidas europeas, y ya no i trobarás nian un bayo d’ixa exposición que iba a “colocar Zaragoza-Aragón en o mapa”. A total sumisión y pertenencia d’Aragón a Espanya difumina la suya marca turistica, dica tal punto que ye invisible pa os circuitos extrancheros. As prencipals editorials u botigas de montanya europeas no pierden ni meya fuella en recomendar rutas por Aragón, y o tradicional Camín de Sant Chaime ya fa anyos que ha estau desplazau por nuevos tramos, belunos inventaus, pero con muita más inversión en publicidat, preso en cuenta por as principal editorials europeas.

O Patrimonio, tan en boca por parti de l’anti-catalanismo, ye qui define tot. O turismo interior viene con intereses culturals, y parti d’ixa cultura ye identitaria. Un significau identitario rilacionau con o patrimonio cultural propio: “as cosas no nomás perteneixen a o lugar, son o lugar” (M. Heidegger- Kunst&Raum). A cantidat de Patrimonio arquitectonico que Aragón ha perdiu en istos zaguers anyos ye vergüenyoso, conformando en muitos casos un espacio despersonalizau; Averly, Unversidat Magdalena u Torre Nueva espaldadas (Zgz), Artesonaus y fronteras d’ermitas expoliadas, Cascos Historicos esboldregaus (Borcha, Calatayut, …), obras d’arte, patrimonio sin catalogar, descudiau, … ferían buena honra. Asinas lo ha denunciau Puyalón en istos zaguers anyos con a campanya “Patrimonio olvidado”. En Aragón pensamos que a conservación de centros historicos como lo de Teruel u Albarracín ye a “referencia” d’o turismo peninsular d’interior, quan en realidat no son que un punto chicorrón, con poca inversión, entre os polius lugars “Patrimonio” d’a UNESCO que se pueden trobar a tot arreu, en Europa.

Pa rematar charrando de Patrimonio, cómo no charrar d’o Patrimonio inmaterial, ixe que Aragón ye perdendo diya par d’atro a causa d’a perda de l’aragonés y o catalán. Un Patrimonio con valor incalculable y unas inversions pa la suya reversión minimas.


Warning: Creating default object from empty value in /homepages/5/d420049815/htdocs/wp-content/plugins/zdmultilang/zd_multilang.php on line 1450

Warning: Creating default object from empty value in /homepages/5/d420049815/htdocs/wp-content/plugins/zdmultilang/zd_multilang.php on line 1450