Warning: Creating default object from empty value in /homepages/5/d420049815/htdocs/wp-content/plugins/zdmultilang/zd_multilang.php on line 1450
LA COMARCA DE LA CHACETANIA PRESENTA LAS CONCLUSIONES DEL ESTUDIO SOCIOLIGÜISTICO COMARCAL - Puyalón de Cuchas
aragonés | catalán | castellano
Breaking News
Warning: Creating default object from empty value in /homepages/5/d420049815/htdocs/wp-content/plugins/zdmultilang/zd_multilang.php on line 1450
Inicio / Arias / A COMARCA D’A CHACETANIA PRESIENTA AS CONCLUSIONS D’O ESTUDIO SOCIOLIGÜISTICO COMARCAL

A COMARCA D’A CHACETANIA PRESIENTA AS CONCLUSIONS D’O ESTUDIO SOCIOLIGÜISTICO COMARCAL

O estudio proposa buena cosa de medidas pa rematar con o declive lingüistico d’a Chacetania que o consellero comarcal y miembro de Puyalón Raúl Ramón se compromete a empentar.

Iste estudio ha estau feito por Anchel Reyes y Natxo Sorolla y en a suya presentación han participau a presidenta d’a comarca, Montse Castán, o Director Cheneral de Politica Lingüistica d’a DGA, José Ignacio López, y o consellero comarcal Raúl Ramón. O estudio vertebra a recuperación d’a luenga aragonesa en tres vertientes prencipals: a educativa, a familiar y a social. En iste sentiu se mirará d’ampliar a ufierta educativa en aragonés en as vals d’Echo y d’Ansó treballando pa que l’aragonés remate estando a luenga vehicular en l’amostranza.

O estudio sociolingüistico proposa espacios de trobada d’a comunidat aragonesofablant empentando a creyación cultural, literaria, investigadera y artística, asinas como a colaboración con institucions y interpresas pa visivilizar y normalizar l’uso de l’aragonés.

O consellero comarcal Raúl Ramón destaca que “entre a Comarca d’a Chacetania y a Oficina de Politica Lingüistica i hai sintonía pa fer politica lingüistica pero lo que cal fer ye materializar-lo. Dende Puyalón imos a exichir que en os presupuestos comarcals i haiga una dotación economica pa que se pueda fer efectiva ixas conclusions y pautas que se reclaman en o estudio”. Raúl Ramón lamenta que “o estudio nos confirma que l’aragonés no ye en buena situación” pero que “tamién guarencia, que fendo politicas correctas, se puede revitalizar a nuestra luenga”.

 presentación estudio aragonés chacetania

About admin