Vesita a o Parlamento Europeo con a candidatura Os Pueblos Deciden

02/12/2017

Etiquetas:

Compartir
Vesita a o Parlamento Europeo

Una delegación de Puyalón viachó o 22 de noviembre ta Bruselas pa conoixer de primera man lo que ye fendo a candidatura de Os Pueblos Deciden d’a que femos parte.

L’Eurodiputau Josu Juaristi y o suyo equipo nos amostroron o treballo que son fendo en o Parlamento Europeo en materias tan importants pa Aragón como son l’augua y as infraestructuras. Antiparte de vesitar as instalacions d’o partamento, as zonas de treballo d’a candidatura y conoixer una mica más afundo como funciona tot, teniemos diferets reunions sectorials pa charrar y meter dencima d’a mesa problematicas concretas d’Aragón.

En ixas reunions por un costau charramos sobre as infrastructuras en Aragón y os meyos de transporte, fendo vistera a qüestion d’a reapertura d’a linia d’o canfranero que suposaría ubrir a comunicación d’Aragón con Europa. Por atro costau, querebanos fer veyer o “sexilio” que han de sufrir muitas personas lgtbi d’o meyo rural aragonés enta as ciudatz porque no troban l’aceptación d’os demás en os suyos lugars.

Compartiemos esta vesita con companyeras y companyers d’a candidatura d’Asturias, Canarias y Euskal Herria y mientres a cena podiemos charrar d’as nuestras experiencias y conoixer as problematicas d’os suyos territorios. Os temas clau d’a nueit estioron a luita contra o recrecimiento de Yesa chunto con a política hidraulica y d’atra man o tema lingüístico, ya que l’aragonés y l’asturiano se troban en una situación social y legal critica.

A estau un goyo y una experiencia muito positiva poder lebar enta Europa a voz d’Aragón y poder meter en l’achenda politica as nuestras reivindicacions.

 Vesita a o Parlamento Europeo

]]>

búscanos y mantente informado

Participa con nosotras

    Ayúdanos a construir un mejor futuro para nuestro país.
    INFORMACIÓN BÁSICA SOBRE PROTECCIÓN DE DATOS
    Responsable: Puyalón de Cuchas
    Contacto DPO: Puedes contactar con la persona Delegada de Protección de Datos en o correo-e: nacional@puyalon.org
    Finalidad: Envío de información relacionada con la actividad de la entidad
    Cesión a terceros: No se cederán dados a terceros, excepto por obligación legal
    Derechos: Acceder, rectificar y suprimir los datos, así como, otros derechos que se expliquen en la información adicional