Con ista nueva Plantilla de economía agraviada, Puyalón quiere amostrar a firme desigualdat con a que l’Estau espanyol tracta a Aragón en a suyas inversions en transporte publico, en iste caso en Zaragoza, pero tamién en relación a la resta de vicos rurals, y lugars d’a redolada de Zaragoza. Negando a vertebración d’o territorio con un rete de cercanías-redoladas que en qualsiquier atro puesto d’Europa, u de l’Estau espanyol, ye ferramienta fundamental pa o transporte de personas. Estacions como Miraflores, y as tasament 6 estacions con as que cuenta a linia de cercanías de Zaragoza, con freqüencias entre 35-55 minutos, son una claro eixemplo d’a desidia con que l’Estau espanyol tracta a Zaragoza y Aragón.
Se niegan os recursos economicos dende l’Estau espanyol a traviés de RENFE, pero tamién se niegan a traviés d’Aragón unos presupuestos dignos con os que poder acometer unas inversions ferroviarias urbanas en trazas.
