Warning: Creating default object from empty value in /homepages/5/d420049815/htdocs/wp-content/plugins/zdmultilang/zd_multilang.php on line 1450
Puyalon presenta su plan “Empenta” junto con el ayuntamiento de Artieda para luchar contra la despoblación - Puyalón de Cuchas
aragonés | catalán | castellano
Breaking News
Warning: Creating default object from empty value in /homepages/5/d420049815/htdocs/wp-content/plugins/zdmultilang/zd_multilang.php on line 1450
Inicio / Arias / Puyalon presienta lo suyo plan “Empenta” de conchunta con o concello d’Artieda pa luitar contra la despoblación

Puyalon presienta lo suyo plan “Empenta” de conchunta con o concello d’Artieda pa luitar contra la despoblación

En 2016 lo concello d’Artieda, d’o que Puyalón forma parte con Raúl Ramón Iguacel, decidió como parte d’una iniciativa local enchegar un prochecto ambicioso que implicase a la suya población y frenase la despoblación d’o suyo entorno.

Se prenioron las aduyas destinadas pa emplego chuvenil, que en Aragón son chestionadas per lo Inaem, y dende o concello se prenioron ixas aduyas pa un programa de desembolique local, Empenta.Como que no podeba estar d’unatra traza, la luenga aragonesa tamién ye present no solament en o suyo nombre, sino en qualques d’as suyas comunicacions y actividatz.

Amás d’ixo los achents de desembolique local colaboran dende la comarca de Chacetania y aduyan a los tecnicos de Empenta Artieda. Asinas s’ha puesto presentar este prochecto en dos succesivas comparecencias en a siede d’a Comarca de la Chacetania, lo pasau 15 de mayo y lo 23 de Chinero con a segunda fase d’o prochecto.

A la Chornada de balanz d’o 23 de Chinero se i acercoron miembros d’atros municipios d’a Chacetania, la suya presidenta, amás de partius como Podemos u PSOE(Echo), pa conoixer la experiencia encetada per Puyalon y lo Concello de Artieda.

En una primera fase de Chinero a Chunyo de 2017, los tecnicos Víctor Iguácel y Anchel Reyes realizoron un diagnostico sociolochico, y d’ixa reflexión surtioron las propuestas pa facilitar l’asentamiento, y revertir a despoblación, linia estratechica que Puyalón, y en cheneral a izquierda soberanista, ye levando a cabo en os zaguers tiempos. As tres linias d’actuación decididas en Artieda estioron: emplego, vivienda y socialización.

Han surtiu tres nuevas iniciativas laborals (Cima Norte, Sociolochía y Senderos de Tella), s’ha enchegau un mercau de vivienda pa logar con nuevas oportunidatz y tamién s’ha enchegau un ambicioso plan de socialización con actividatz entre semana (frontenis, zumba, chimnasia, clases d’aragonés y prochección de documentals de montanya).

Agora tocar emprender la segunda etapa “treballando en a consolidación de logros y l’activación de nuevos retos que metan freno a la despoblación y incentiven la repoblación”.Cal continar creyando emplego, sobre tot pa chovens y mullers. Pa ixo se son explorando posibilidatz en o turismo ornitolochico y esportivo, asinas como agricultura y ganadería. Se seguirá treballando en a ofierta de vivienda de loguero social, pa facilitar l’asentamiento, en especial d’a chent choven.Y como punto de socialización se empentará la instalación municipal Centro Choven con mas actividatz y conteniu, asinas como un centro d’escalada. Amás se ye preparando una chornada de mercadillo anticonsumista pa vecins y foranos

Un zaguer punto fizo referencia a los servicios socials d’infancia y 3º edat, pa la quala se ye necesaria mayor emparo economico y institucional.

About admin